ខេត្តរតនគិរី៖ នាវេលាម៉ោង ០៨ និង៥០នាទី ថ្ងៃទី ២៦ ខែ មេសា ឆ្នាំ ២០២២នេះ កម្លាំងអាវុធហត្ថមូលដ្ឋានក្រុងបានលុង ចំនួន ០២នាក់ សហការជាមួយកម្លាំងចម្រុះគណៈបញ្ជាការឯកភាពក្រុងបានលុង ដឹកនាំដោយលោក ពុត ដានី អភិបាលរងក្រុងបានលុង បានធ្វេីសកម្មភាពល្បាត ជុំវិញបរិវេណក្រុង បានប្រទះឃេីញរថយន្ត០១ គ្រឿង ភ្លាមនោះកម្លាំងចម្រុះ មានការសង្ស័យ ក៏បានឃាត់រថយន្តនោះត្រួតពិនិត្យ នៅចំណុចភូមិ ថ្មដា សង្កាត់ បឹងកន្សែង ក្រុងបានលុង ខេត្តរតនគិរី ។ ប្រភពដដែលបានឲ្យដឹងថា រថយន្តដឹកឈើនេះមានម្ចាស់ឈ្មោះ មករា ដឹកចេញពីស្រុកវើនសៃ ដោយឆ្លងកាត់ក្រុងបានលុងបំរ៉ុងចេញទៅលក់ឆ្លងដែនទៅប្រទេសវៀតណាម តាមច្រតអូយ៉ាដាវ តែជាអកុសល្យក៏ត្រូវសត្ថកិច្ចស្ទាក់ចាប់បានតែម្ដង។ជុំវិញករណីការចាប់បង្ក្រាបខាងលើនេះទទួលបានលទ្ធផលនៃការបង្ក្រាបក្នុងរថយន្តមានផ្ទុក ឈេីប្រភេទលេខ ១ សុក្រម និង គគីរនិងបានឃាត់ខ្លួនអ្នកបើកបរចំនួន០១ នាក់ ឈ្មោះ អុីម ធិន ភេទ ប្រុស អាយុ ២៩ឆ្នាំ រស់នៅ ភូមិ ថ្មដា សង្កាត់ បឹងកន្សែង ក្រុងបានលុង ខេត្តរតនគិរី ។សមត្ថកិច្ចអះអាងថា វត្ថុតាងរួមមាន៖ រថយន្តស៊ាំយ៉ុង ចំនួន ០១គ្រឿង និងឈើប្រភេទលេខ ១ ចំនួន ២១ ដុំ (សុក្រម និង គគីរ) ស្មើនឹង ៣,៩៧៧ ម៉ែត្រគូប ។បច្ចុប្បន្ន ៖ វត្ថុតាងនិងជនសង្ស័យខាងលើ បានប្រគល់ជូនខណ្ឌរដ្ឋបាលព្រៃឈើរតនគិរី ដើម្បីអនុវត្តតាមនីតិវិធីច្បាប់ ៕
វីដែអូ